البسكويت والكحك

بسكوت بالجوز هند
1 كيلو دقيق
5 بيضات
100 جم جوز هند
300 جم سمنة
400 جم سكر
باكو بيكينج باودر
- قدحت السمنة وبردتها شوية وبعدين ضربتها بالمضرب جامد.
- اضرب البيض في الخلاط.
- اضيف البيض على السمنة والسكر وجوز هند واضرب.
- اضيف الدقيق والبيكينج باودر واعجن كويس..
- اقطعه بالمفرمة وانا بقى ما كانش عندي مفرمة وما لقيتهاش عندي وبعدين عملت شوية بماكينة البتي فور وايه اللي حصل..اتكسرت الماكينة..... قمت قعدت افردها وتفرول مني عشان الجوز هند واقطع بقطاعات وكانت ليلة..

- دخلته الفرن يستوي بصراحة مش فاكرة قد ايه لحد ما لقيته استوى من تحت واحمر شوية من فوق..


الكحك
كيلو دقيق
50 جم دقيق سمولينا (سميد بسبوسة ناعم)
5 جم ملح ، 5جم ريحة كعك (انا ماحطيتش عادي ماما عمرها ما بتحط)، 10 جم سكر، 20 جم بيكنج بودر
500 جم سمن باردة
200 مل
- الدقيق + السمولينا +الملح + السكر + ريحة الكعك + البيكنج بودر ونخلطهم في العجان لمدة 10 دقائق

- نضع السمن البارده ونعجن.

نضع اللبن واحده واحده ونعجن لحد ما العجينة تبدأ تلم واعجن فيها كتير عشان تبقى أحلى..ويصبح لونها فاتح ومتجانسة ثم نريحها 20 دقيقة
- سيحت حتة زبدة ونزلت فيها سمسم حمصته شوية وبعدين عجنت معاهم العجوة.

- شكلتها وحشيتها وسبتها ترتاح لمدة 20 دقيقة ثم ندخله الفرن لدرجة حرارة 180 درجة لمدة 15 دقيقة.

وبعد السوااااااااااااااااء..

نرش السكر


وبالهنا و الشفا

يااااااااااارب يعجبكم بالهنة و الشفا