Admin Admin
عدد المساهمات : 286 نقاط : 1363 السٌّمعَة : 0 تاريخ التسجيل : 21/08/2010 العمر : 29
| موضوع: طريقة عمل البتى فور ... و الغريبة الأربعاء أكتوبر 13, 2010 5:36 am | |
| ازيكم ياقمرات كل سنة وانتم طيبين..النهاردة جايبة لكم كل حاجات العيد دوقوا وقولوا لي رأيكم يعني ياريت تردوا عليا وتقيموا الموضوع لو عجبتكم الحاجات.... البتي فور 500 جم زبدة باردة من التلاجة 175 جم سكر بودرة 4 بياض بيض 625 جم دقيق ذرة فانيليا - ذرة ملح - السكر + الزبدة اضربهم كويس اذوب السكر وافضل اضرب بسرعة لحد ما يبقو كريمة. - اضيف بياض البيض بيضة بيضة وانا باضرب. - اضيف الملح والفانيليا واضرب. - اضيف الدقيق واضرب بالراحة لحد ما يتجانس.. - اشكله بالماكينة واخدت نص الكمية ضفت عليها كاكاو بوردة وشكلتهم. - دخلتهم فرن 180 لمدة 20 دقيقة. و ده شكلهم بعد السوا
التلزيق: - غليت كركديه في مية لحد ما بقى تقيل، صفيته وسكرته كويس، حطيته على النار يغلي لحد ما تصفى ميته خالص ويقل ويبقى زي المربى وبردته وبعدين لزقت كل واحدة بيضاء مع واحدة شكولاتة..
الغريبة الغريبة 200 جم سكر 400 جم سمنة باردة 600-700 جم دقيق ذرة ملح بياض بيضة (حسب الاحتياج) - ادعك السمنة مع السكر كويس يبقو كريمة.
- اضيف الدقيق وذرة الملح واعجنها كويس ولو طرية قوي ضيفي بياض البيضة عشان تلم معاكي..
- شكلها كور صغيرة ونقشتها بظهر شوكة..
دخلتها فرن 170 لمدة 12 دقيقة ولما تطلع سيبيها على الصينية عشان تكسب سخونتها وتستوي كويس..
و بالهنة و الشفا
| |
|